مش عارف إيه أفضل طريقة فعالة تكتب بيها تشجع الجمهور و تخليهم يأخذوا action بعملية الشراء... طيب متخافش إحنا هنقولك على شوية طرق مختلفة ممكن تستخدمها في كتابة الـSales copies (عروض الخصم) تحقق لك أعلي مبيعات.

الخصومات الغير المشروطة (Unconditional discounts):

-و هو بيكون خصم متاح للجميع من غير ما تفرض أي شروط عشان يحصل على الخصم ده و دائمًا بيكون الخصم ده على منتجات محددة و مختارة.

الخصومات المشروطة (Conditional discounts):

- هو خصم بتقدمه لجمهورك بيكون بشروط معينة إنت تحددها زي مثلا إنك "خصم 10% عند انفاق 500 جم و خصم 20 % عند انفاق 1000 جم"

مبيعات الفلاش (flash sale) :

- هى من أفضل الأنواع في إكتساب عملاء جدد ومفتاح نجاحها هو إنك تشتغلها عدد أيام محدود و في أيام معينة في السنة و النوع ده بيضمنلك تفاعل كبير على العروض المقدمة.

المبيعات الموسمية (Seasonal sales):

- زي عروض الـ Black Friday و عيد الميلاد و الهالوين و عيد الأضحى و الفطر و جميع المناسبات الرسمية.

عروض الشحن (Shipping and bundle offers):

- على الرغم من إنك مش حاطت الخصم بشكل مباشر بس عروض الشحن المجاني بتمنح خصم فعالًا و بتجذب الجمهور و ممكن تربط عرض الشحن المجاني بحد أدنى للأنفاق أو مقدار معين من الوقت.

دلوقتي إنت عرفت أنواع عروض الخصم اللي ممكن تستخدمها عند الإعلان علي الفيس بوك أو الأنستجرام بس كمان مهم تعرف إزاي تنظم هيكل الإعلان عشان يكون واضح بشكل كافي لجمهورك

الـ Discount ad copy :

بتتقسم لثلاثة أجزاء و الهدف من التقسيم هو جذب الأشخاص المناسبين في جمهورك المستهدف و إثارة إهتمامهم ثم نقلهم إلى موقعك الخاص لمعرفة المزيد و إكمال عملية الشراء.

1- الخاطف أو Snap:

هو السطر الأول اللي يخطف عين الجمهور و يلفت إنتباههم و السطر ده بيكون عباره عن العرض اللي بتقدمه زي "احصل علي خصم 30% علي مشترياتك.

2- الفائدة أو Benefit:

و هى تأتي بعد الـSnap و في السطر ده إنت بتسرد مميزات المنتج أو الخدمة و فائدتها لجمهورك المستهدف

3- التنفيذ أو Action:

هو الجزء الأخير من الـDiscount ad copy و بتحدد في الخطوات التي يحتاج جمهورك المستهدف إلى إتخاذها للأستفادة من العرض الموجود في إعلانك