انك تكتب Catchy title يشجع الناس تقرأ الـPost بتاعك أيا كان الـ Type بتاعه مش حاجة سهلة أبدا
علشان كدة هنقولك 5 وصفات سحرية هتساعدك تكتب بيهم Title يجذب الناس..
الوصفة الأولى: اعتمد على الأسئلة
إنك تلعب على إثارة الفضول عند القارئ، احنا كبشر بطبيعتنا بنحب نجاوب على الأسئلة، فلما بداية موضوعك تكون بسؤال غالبا إجابته مش عند المتلقي فضوله هيدفعه انه يكمل قراءة علشان يكون قادر إنه يجاوب على السؤال دا.
أهم حاجة إن القارئ يلاقى عندك الإجابة اللي مستنيها منك، وده طبعا بيعتمد ان الـ Topic اللى بتتكلم فيه يكون من اهتمامات الـ Audience بتوعك وطريقة الإجابة تكون بالطريقة اللي هم بيتكلموا بيها.
الوصفة الثانية: استخدم الأرقام
المعلومات بتوصل عن طريق الأرقام بطريقة منظمة وسهلة، خصوصا لو الـ Topic اللى بتتكلم فيه طويل أو متشعب. والأهم من كدا انها بتدي للمحتوى بتاعك مصداقية عند المتلقي.
الوصفة الثالثة: إثارة المشاعر
سواء كانت مشاعر سلبية زى الخوف أو الإحباط وممكن كمان توصل للتهديد، ودي غالبا بنشوفها في حملات التبرعات والتوعية من السلوكيات الخاطئة، أو مشاعر إيجابية زى السعادة والأمل. الناس بطبعها عاطفية والطريقة دى بتنجح جدا إنها تجذب انتباهم.
الوصفة الرابعة: مخاطبة فئة معينة
ذاكر جمهورك كويس أعرف اللغة اللي تناسبه وتشده، اتعرف على دوافعه ومشاكلة وأهدافه. قدم لجمهورك الحل اللي بيدور عليه. زى مثلا " نصائح لحديثى التخرج تجعلك مميز فى سوق العمل"