أخطاء ماتقعش فيها لو لسة جديد فى مجال الـ Social media
ماتستهونش بالـSocial media لأن زى ما سهل تعمل Edit فى أى حاجة، مش سهل أبدا تعملEdit فى أى انطباع الناس أخدته عنك. علشان كدا هنقولك أكتر 7 أخطاء شائعة بيقع فيها أغلب اللي ابتدوا جديد فى مجال الـ Social media..
الغلطة الأولى: اللي عايزني يجيلي
ماتركزش على Social media platform واحد.ما هو مش معنى إن 35 مليون مصري موجودين على فيسبوك إنه يكون الـPlatform الأساسي وتراهن ان جمهورك أكيد هيكون موجود عليه.
اوصل لجمهورك أيا كان فين واوصلهم بطريقتهم، متراهنش على الأشهر اعرف جمهور المجال اللي انت بتخاطبه موجود فين وأوصله.
الغلطة الثانية: اللهو الخفي
إوعى تنسى تظبّط الـPage بتاعتك كويس وخليها دايما تظهر للناس بطريقة Professional ، من أهم الأخطاء انك تتعب وتركز في الـPosting وتصرف إعلانات من غير ما تكون كاتب معلومات كافية عنك، متخليش جمهورك يحتار فيك لأنه لو اهتم بالمحتوى وحاول يتواصل معاك أو يعرف أكتر عن خدماتك وفشل صعب جدا ترجع اهتمامه بيك مرة تانية، علشان كدا ابدأ بالـAbout قبل أي Posting.
الغلطة الثالثة: One Way Communication
خد وادي مع جمهورك، يعنى مش دايما انت اللى تتكلم والـ Audience يشوفوك ويسمعوك، خليهم يشاركوك دايما ويقولوا رأيهم، اهتم بالـEngagement واختار الـModerator كويس.
الغلطة الرابعة: أنا طبعي كدا، وطريقتي كدا
ماتظهرش دايما بنفس الشكل اللى الـ audience متعودين يشوفوك بيه، نوّع فى الـContent والـ Designs اللى بتستخدمها، خليهم يتوقعوا منك دايما كل جديد.
الغلطة الخامسة: يا واد يا تقيل!
بلاش تتأخر فى الرد على أسئلة الـ audience سواء فى comments أو messages.. خليهم دايما حاسين انك معاهم وانك مستنى اسئلتهم علشان يتعرفوا عليك أكتر.
الغلطة السادسة: أنا ببوست إذا أنا موجود
مش معنى إنك مهتم بعميلك وجمهورك إنك تفضل تعمل post كل شوية، أو إنك تفضل ترغي وتزود في تفاصيل الـCaption، انت كدا هتزهق الناس منك وممكن يضطروا يعملولك Unfollow، ووبردو بلاش تغيب عنهم علشان ممكن ينسوك.