أمسك ترند !
كل فترة بنلاقى موضوع ما بيكون حديث الناس علي السوشيال ميديا و بيكون منتشر تحت اسم "الترند".
- طيب اية هو الترند
من غير تعقيد للأمور .. الـ Trend من المعنى هو شئ رائج الآن او موضه بالعامية و هو موضوع بعينه في اكتر من 10 الاف شخص بيتكلموا عنه علي مواقع التواصل الاجتماعى
- انت بقى هاتستفيد اية من الترند ده؟!!
لو هتكون انت صانع الترند ههو بيسلط عليك الضوء امام المجتمع و بيجعلك محط انظار الناس و يشاركوك اقتراحاتهم في موضوعك او مشكلتك.
- لو عايز تعمل ترند تعمل ايه بقى !
- اتكلم عن حاجات ملفته للنظر "أشياء و قصص غير معتادة" و في الاغلب بتخلي الشخص اللي بيتكلم عنها بيكون هو كمان ملفت للنظر.
- طريقة العرض كل ما كانت واضحه و متقسمة و مفيده هيكون احسن و افضل في انتشار الموضوع "انجز و خش في الموضوع علي طول" ودايما صيغ موضوعك في شكل قصه.
- العب دايما علي وتر المشاعر و العواطف لانها هتساعدك في زيادة انتشار الموضوع و زيادة الحديث عنة.
- أطلب من الناس انها تنشر الموضوع و تتكلم عنه.
- اعمل "هاشتاج" للترند بتاعك يكون سهل و واضح.
تقريباً كده انت فهمت الـ Trend و لو بشكل بسيط .. حاول تطبقة لو بتسوق لنفسك .