إنستجرام مش مجرد صورة و فيلتر و بس كده الموضوع طلع كبير!

مبدأيا لازم تعرف ان دلوقتى في اكتر من500 مليون حساب نشط بشكل يومى علي انستجرام !

يبقى لازم تستغلة علشان توصل لجمهورك من خلالة و اهم Tool فى انستجرام دلوقتى هى الـ Stories و احنا هنقولك شويه افكار علشان تعمل Instagram stories تطير و توصل لألاف مؤلفه من البشر

- اول حاجه

انشر محتوى بأستمرار لازم تعمل جدول زمنى لنشر الـ Stories بتاعك سواء كنت هتنشر بشكل يومى او ثلاث مرات بالاسبوع لازم تعمل جدول علشان الناس تعرف و تشوف الـ Stories بشكل مستمر

- تانى حاجه

انشر ما وراء الكواليس شارك متابعينك كل شئ Behind the sense لأن المتابعين دايماً عندهم فضول بكل شئ خفى

- تالت حاجه

في خصائص كتير موجوده في الـ Instagram stories زى ( Poll - Emoji slider stickers - Questions stickers countdown- chat stickers- Questions stickers-quiz stickers ) كل الحاجات دى بتساعد علي زياده التفاعل مع الـ Stories بتاعتك

- رابع حاجه

اطلع live علي انستجرام لأنه اداة قوية لجذب انتباة متابعينك و هتشجعهم علي زيادة التفاعل معاك من خلال كتابة الأسئلة و التعليقات اثناء الايف ده غير انو بيوصل إشعار لجميع المتابعين عند بدء الايف علشان كده لازم تختار الوقت المناسب اللي يكون فية نسبه كبيره من المتابعين موجودين اونلاين

- خامس حاجه

ممكن تربط الـ stories بتاعتك بأى لينك انت عاوزه سواء كان للموقع بتاعك او صفحتك علي اى Social media platform لو البروفايل بتاعك فيه اكتر من 10 الالاف متابع هتقدر تستمتع بالخاصية دى